كليك (زجل)
طاحت فكرة
دازت ف راسه كيف “TGV“
حلمة ف فياق
ما بان ليه من حقول السبول
غير
فراشة سكرانة
عنق بلعمانة مدلّي
سمّانة زلقت بين رجليه
طيرت منه حجلة
وفرڨ غزلان
هارب م الموت
بقى يخمم بلا مقص
شرب م الحيره كيسان
حتى وجعه راسه
تيمم بالريح
تمتم ب شي كذوب
- إشهار -
خاف ينوض يقلب ع الورقة
يتمحى خياله
ويبقى شاد ف لق…لم
مسكين
خدام ب ثلاث عينين
وحدة نعسانة
تعوم بيه
وحدة سكرانة
تسايس فيه
وحدة سهرانة
تتفرج
فيلم noir et blanc
طلع لفجر
وما بقى عاقل غير على
the end