على خلفية قول الأمين العام لحزب "الأصالة والمعاصرة"  الياس العماري في حوار مع "بديل" وهو يعني الامينة العامة لـ"لحزب الإشتراكي الموحد": " الشروط التي توفرت لوالدها من اجل التحصيل، لم تكن متوفرة لوالدي، واذا كانت تاخذ وضعيتها للتهم على وضعية الاخرين، اقول لها ان هذا لم يكن أبدا قيم اليسار". واضاف "انه عندما تتهكم على احد لكونه من وسط فقير ... فهذا هو المشكل".

سأل موقع "بديل" نبيلة منيب،  رأيها بخصوص ما ورد على لسان العماري فردت "  علاش غادْيا نْرُد.. ماكايْنش لي كيفكر في المغاربة بْحَالي.. أنا امراة شريفة أومتندخلش الَّلعب دْيالكم.. أنا امرأة سِياسية أماغَندْخُلْشْ  لَّعب ديال الدراري  الصغار دْيَال لاَيْاكْاتْ باش يتخلصوا شي صحافيين".

وأضافت : "أنا متنتكلمش فْهادْشي.. بْغِيتُو تْكَلْموا في السياسة لْكْبِيرة ديال البلاد، عَيْطو عْلِي.. بغيتو تكلموا في الفلاحة والكيف عيطو عْلي...  أما باش نْدْخُل نْتْكلم في أعراض الناس وندخل في الناس هادشي ماشِيدْيَالي أوماغديش نهبط ليه... أنتوما تديروا الزوبعات باش يْدْخلوا  عندكم الناس لي معندهم شغل أوْ لِّي مامشاوش للعطلة ولا منعرف ليهم باش يْبْقاوا يْجَرحوا في عباذ الله ويتكلموا بغير المفيد لأنهم، كيْخَافوا من نبيلة منيب، لأنها كتقول الكلام الواعرْ " وإلَا كان مْسيفطكم شي واحد هادشي راه مؤلم...أنا كنحلم بصحافة زوينة ديال الشباب تيفكروا أوتينتجوا أو تيبدعوا أما  الصحافة ديال خَلْق المَشَاكل واللعب ديال وحدين آخرين ماتتعجبنيش أو مغندخلش فيها والمغاربة تيعرفوا نبيلة منيب أوآلاف الطلبة لي قراتهم نبيلة منيب تيحترموها والمآت ديال الأساتذة تيحترموها سواء كانوا معايا في المجالس المنتخبة او غيرها ..هادشي مغتقدروا تديروا فيه والو هادشي لي عطا الله هادشي لي كاين هادشي لي مشى فيه المهدوي الله يعاونو".....

وكانت يومية "اخبار اليوم" في عددها ليوم السبت الأحد الأخيرين قد نقلت عن نبيلة منيب قولها ""هل سيقبل المغاربة أن يأتي شخصٌ لا يتوفر حتى على شهادة البروفي، أي الرابعة إعدادي، ويَتَسَيَّدَ على حكومة المغرب؟" في اشارة الى الياس العماري الامين العام لحزب الاصالة والمعاصرة واضافت : "إن المغرب شعبٌ عريق يُفترض في مَن يمثلونه أن تكون لديهم شهادة الباكالوريا على الأقل".