حذف محمد إداعمار رئيس الجماعة الحضرية لتطوان المنتمي لحزب "العدالة والتنمية"، من قائمة أصدقائه على صفحته الإجتماعية بالفيسبوك بسبب تدوينة تساءل فيها (الصديق) عن بعض الأمور التي تتعلق بالحملة الإنتخابية للحزب.

ومما جاء في التدوينة :"السيد الرئيس شوفنا الحملة دهاد العام مجهدة، الخير موجود كيبان، السيارات مطبوعة برمز المصباح، و السيارات بزاف، و السيارات عندها مصاريف كبيرة بزاف كيف كنعرفو ... و كبيرة بزاف ... خصها المازوط و خصها شيفور و خصها ناس لي تركب فيها باش تحيح... يعني غير حسب حسب ... !!

و الكراجات ...الكراجات أ السي الرئيس ...حسب مصدر مقرب من المحيط ديالك كريتو اكثر من 85 كراج في تطوان !!!

85 كراج يا الحباب كل كراج ب 2500 درهم على الاقل ... ديرو الحساب و رودو علي !!
و كل كراج فيه جيش د الشباب كل شاب كيتخلص بالقليلة 100 درهم للواحد !!
و ضربو الحساب و شوفو الحملة فوقاش بدات و شوفو فوقاش غتسالا ... سؤال عادي ولا ؟
هادشي بلا غداوات بلا عشاوات بلا حفلات بلا مهرجانات بلا ندوات ... الطريطورات ديال 5 د النجوم شادين الشغل !!!
حنا عارفين كاين احزاب اخرى كتخسر اكثر ... لكن هادوك كيقولوها واضحة بأن كاين دعم من غير الدولة !!

نتا كتقول غير البركة لي كتعطيك الدولة (مبلغ بسيط) و كيشيط الخير !!