فخامة و جلالة الشعب المحترم و المبجل،ها أنت اليوم ملئت دنيا ضجيجا حتى لا ينام الفقراء على حساب الفقراء.
جلالة الشعب ها نتا خرجتي و ها نتا حيحتي مع راسك و رفضتي شي حاجة و الله و اعلم و سمعتي صوتك للعالم و خليتي القنوات العالمية تحكي عليك،زعم هضرتي بابهم الكلب صحة وخا هما ديل الكلب نصارى.
شعبي الحكيم كنت دائما أختلف معهم و أقول لهم هذا الشعب الرائع الحكيم،سوف يفاجئكم سوف يخرج للشوارع من أجل الإحتجاج من أجل أن يقول لا و من أجل أن ينتقم منهم،من أجل أن يعطي صورة حضارية،من أجل إرسال رسالة مفادها أن الشعب غاضب و غضب الشعب خطير لا احد يستطيع أن يوقفه.
أنا بعد ديما كنت كنقول انا شعبي وخا مزيون لكن دغيا ككعى و كتعصب و كبدا يحيح حتى كولي الطايح كثار من النايض،كحيح ليست لها علاقة بالحياحة زعم غير كعبر على الرأي ديالوا/و ديما كنت كنخاف من نهار لينتفض فيه.
بزاف كانو كقولوا لي راه كع ما نتفض حتى ملي نتفضت الشعوب العربية،لكن انا دائما كنقول عندنا شعيب لا عفوا شعب استثنائي كعرف امتى يخرج و يحيح.
عندو الحق طبعا الشعب طلع ليه الخرا فراس،وعيا من القيل و القال و قالك حاجيتك ماحيتك اشنو نديروا دابا يالله نخرجوا نجيبوا شي دويرة فالسواق و الشوارع،و ديك شي لكان و بدات الحكاية و الخرافة ديال شعيبة ولد شعيبة نسبة الى الشعيب لجايا من كلمة الشعب ،فالحقيقة حكاية هد و لا ألف حكاية،حكاية الف ليلة و ليلة،اجو خليونا نشوف شعبنا ملي خرج اش دار و علاش خرج و فين خرج .
ويلي ويلي الشعب خرج و خرج معاه قنبولة و القنبولة ديالو و الله ما تقدر عليها حتى المريكان القنبولة ديال هي اصحبي جايا من الكتامة و منفوظة مزيان عرفتي جبدا منها كتخليه يضرب قنابل نفق نفق او حفرة حفرة و تحصد الأقرب المقربين و الدليل قوي و موجود،خصوصا انهم خرجوا من الحفاري و الحفاري مسدودة و ممنوعة فرمضان،و الحقيقة و خا اللفاعي هم لكخرجوا من الحفاري،فأنا كنت متأكد عيخرجوا وهما موجودين دائما في الملاعب و ديما كلعبوا التنس فالقهاوي،و كعجبهم لعبة الإحتكاك في لطرمبيات زعم الحافلات و كجيهم النعاس غير فالطاكسيات.
وحيث شعب اليوم بغا يقول أنا فالمدن كبرى قاد نخرج فحالي فحل المدن الصغرى خرج و كان يا ما كان،بالحق كان يا ما كان مشي أغنية ديال المغنية التونسية" لبنى نعمان " و رجلها المهدي،لكن ديال حكايات الف ليلة و ليلة.
الله يعزك اشعبي و يطولنا فعمرك،دابا نشوف كفاش خرجتي و اشنو عملتي،خرجتي فحل "سميكن" الوحش ديال رسوم المتحركة،و مخك عامل بالسلاح سطيرنا ديال الحريرة و مقلع تاع سلو و ملوي و البغرير قد صاري تاع الضو و ملفوف ديال جوان و ماريوانا،و فيدك السيف الفتاك" ايفون"اخر صيحة و القبر اسمو الفايسبوك،و بديتي تخلي فعباد الله حتى كع ما ينعاس الفقير على حسب الفقير،هدي لبس الصايا اجي نجهدوا فيها و هذا الشاذ اجي نقتلوا يماه و هذا وكال رمضان اجي نحيوه من هد الدنيا و هذا جنكي شفار طحن دين مو و هذا شمكار ولد قحبة و هذا ولد شارع و لد زنا ما عندوا يماه ماعندوا باباه ولد الحرام ياخور و ها واحد العاهرة اجي نحيحو على بابها القران بنت الكلب.
وعلاش هد شي حيت عندنا شعب محافظ متدين عندنا شعب كستهلك البيرا كثر من الحليب و اتاي،عندنا شعب كعمر فالبار كثار من الجامع و كمشي يزهو مع البنات و يستغلهم،و ملي كسلي كقولك كلشي حرام،عندنا شعب كصلي العشا و كمشي لبار و من بعدها كصلي الفجر و كقولك خصني نوقف الشراب قبل 40 يوم من رمضان، كزني مع راسوا و كقولك البلاد عمرت بالعاهرات و المثليين ،كمشي مع صحبوا وهو سكران و من بعد كقولك هداك غير زا.......ل،كتكلم فالناس و كقلك السرقة حرام ،كسرق و كقولك الكلام فناس حرام كفضح الأسرار دناس و كصورهم و ينزلها فالفايسبوك و يقلك هتك أعراض ناس حرام و شعبنا محافظ بزاف لدرجة صبح كل واحد فينا فقيه و مريكان خصا تدي على قولنا مشي على فعالنا،و الا دات على قولنا عجبرنا طلعنا القمر و ختعرنا قنابل كتخدم بالهوا و كضرب غير فالنفق.
هذا هو شعب المتدين،دين ديال الحريرة و الجوان، كبان ليه البشر فحل النمل و كدوخ خصوصا فرمضان و كبدا يجيب ليك الله ،انك عايش مع السبع و نتا غير مع القطوط،و كبدا يقلك ندين ديماهم صايمن بدرع ،زعم راه صايم دبصاح ناسي راه عمل غير رجيم لمدة 30 يوم و فحرارة مفرطة على الله و عسى يطيح من الشحمة لفراسوا،لبنها بمقلع ديال سلو.
و هذي شي كقولك نجحنا قدرنا نردوا البلاد مخونجة و صبح عندنا شعب مخونج ودولة مخونجة،زعم اخونة البلاد و العباد.
كفاش لا و هو بجلالته و عظمة وجوده ملي كجاهد فالفقرا،حيت قالك الفقر و الشجاعة يلتقيان في المغرب كمشي كصلي وكدعي وكقولك اللهم تقبل منا الصلاة و الصيام و جعلنا من الغاضبين،بالحق هد غير من واحد فرمضان الى حدود ليلة 26 فرمضان.
وكجي سيدنا بنكيران وخا سيدنا هو الله و كقولك هو و الرميد راه راضي على الشعيبة خصوصا أن ما فعله الشعيبة صور و مشى للقنوات العالمية،و يقلك الشعب عند حرية التعبير و الإحتاج راه خرج ففاس و فإنزكان و خرج فالشواطئ و القانون حريات العامة و الدستور المفروض عفوا الممنوح عفوا المصوت له بالإجماع، لكع الله لخلق هد الكون ما عندوا هد الإجماع كامل،كعطي لهم الحق فالإحتجاج،بالحق عندكم تحتجوا على الخدمة و التعليم و الصحة و السكن عندكم تقولا باغين الحرية و اسقاط الفساد و الإستبداد و عفاكم بلا ماتحرجنا و تخليو سي" الرميد" يغضب منكم قولوك لناس كع ما دي على جمعيات التي تدافع على فئة صغيرة من الشعب حيت الأغلبية عاجبوا الحال كياكلو و كنعاس و الحمدالله و خا الحلوف هو لكياكول و يحفر و ينعس بالحق حنا استثناء،اما با" حصيصد" راه و الله ما يعقل على حقوق الإنسان و با مصطفى الخلفي،الصحافة تكتب لبغات لكن بش تسخر و تنتقد لا،ما عندوا ما يعمل" بالمهداوي و بالمرابط بالحسناوي" و المنصور و كدار و أنوزلا و زيد و زيد و زيد ............
بالحق نساو الطيف يا الخوا اش نساو،عندنا هد ناس كنساو بزاف و قيل كيكولو البيصارة بزاف و كتكلخهم،حيث نساو انهم ملي هدروا على بنات ديال انزكان فالإعلام و عتبروه الإخلال بالحياء العام راه هذاك تحريض و ملي كانوا عيقتلوا السيد ففاس حيث زعم مثلي راه نساو ان هذاك ازهاق الروح دون وجه حق،بالحق ملي ناضوا شباب فحل نبيل و غيرهم حتجوا على العفو على بيدوفيل تفرشخوا تفرشيخا مفرشخا و تابعوهم قضائيا بالسرقة و الضرب و الجرح و عرقلة الشارع العام زعم هاد نبيل وغيروا سوبرمان الله الله عندنا سوبرمان فالمغرب بلا خباري.
و العرا ديال جنفي لوبيز هانيا حتى الشعيبة هانيا 150الف متقرج و اقل من مئة محتج على موازين فالبرلمان.
و الأحزاب و لنقابات لا احد يتكلم زعم وخا السيد يموت هانيا و خا المعطل يموت هانيا و خا "مرابط "محروم من حقو كمواطن في الحصول على الوثائق الإدراية هانية،بالحق الأحزاب عندها الحق اصحبي الشعب يعمل لبغا دبا و ادا كان ندين مو مكلخ دابا راه متقف،حيث الإنتخابات على الأبواب و با الياس و لشكر و شباط و بنكيران خصهم يبقاو على خطرهم و باش يبقاو على خطرهم خصهم هد نوع من الشعيبة و ادا كان هد النوع عيرضى عليهم............................لا أدري.........
الحصول قالك تعيا شوف و شراب الشراب و الشراب فرمضان سطيرنا ديال الحريرة و مقلع ديال سلو و البغرير بأملو،و باش مرة نكلس الدماغ بالملفوف بالحق مشي ملفوف ديال العيد الشحمة و الكبدة لا الجوان هو الملفوف و شحم ديال الجوان فشي شكل أعمي......
المهم كلشي راضي على شعيبة و شعيبة راضية عليهم،الإحتجاج مملوء فطنجة و كازا و فاس و انزكان الحرية موجود الضرب حتى القتل و اذا مات او تقتل الفقير راه نقص واحد واذا مات الغني راه كارثة و خسارة لبلاد اليوطي،لبالأحمر و الأخضر كفناه.
المهم خرجوا ناس و بينوا لنا دولة الحق و القانون دولة تحترم الدستور الذي صوت عليه،و بينوا للعالم اننا نمارس سياسة الضعيف يقتل الضعيف الضيف يفترس الضعيف فحال الغابة ديك شي ديال ماوكلي و باكيرا،وخا باكيرا الله يرحمو مسكين مات وخلا بنكيران وحداني،لكنهم تناسوا ان الغابة القوي يأكل الضعيف و لا تفترسه إلا في بعض الأحيان،بالحق حنا كنفترسوا كفاش لا و حنا مربيين مع الطلبة ف الكنايز،المهم الله يرحم من ربك و مبروك عليكم الشعب خرج و الشعب دالحريرة و ماريوانا و سلو شعب عظيم يتخاف منو،حيت تابع شي حكمة قالك هد القيادين ديالهم كعجبهم الزواج العرفي و خا الشرع عطاهم متنى و ثلاثة و رباعة.