فيديو رائع للملك بهولندا

8

قد يعجبك ايضا المزيد عن المؤلف

2 تعليقات

  1. Gadarki يقول

    Après avoir pris soin de consulter le comportement du roi, je me suis rendu compte que récemment que les nombres des photos à augmenter de façon signifiante!
    La publicité, marketing pour essaye de nous faire croire ou vendre l’idée qu’il est ici pour protéger nos intérêt et que son entourage qui est la cause de notre problème ici au Maroc.
    Très belle pièce de théâtre mais le peuple veut une monarchie démocratique

  2. لحسن السندباد من وجدة يقول

    محمد بن الحسن كشخص بحالو بحال الناس المتوسطين المعتدلين فداك الشي اللي عطاهوم الخالق. يعني خيرو كتر من شرو، و يعني تقدر تفاهم معاه و يتفاهم معاك و يعجبك التعامل ديالو و تحس بأنه مربي مزيان و ولد الناس و عندو ما يكول حتى هو. يعني محمد بن الحسن بحالو بحال أغلبية الناس: مرة شجاع مرة جبان، مرة كريم مرة بخيل، مرة كيتفكر الله مرة كينساه، مرة نشيط مرة كسول… عادي. و لكن ملي كيبدا التقييم ديالو فواحد الجهة أخرى كتبقى الصورة ديالو بحال “يا أيها الناس”… و غالاط. هادوك الناس اللي كايتصوروا معاه… واش الجيران ديالوا؟ قراو معاه ؟ أصدقاء ديالو؟ هادوك شافو ملك المغرب… la Star, la Vedette ، الشخص المشهور … اللي تحتفظ بالصورة ديالو فالهاتف و توريها لصحابك و جيرانك باش تشوفهوم دايرين: واااااااااااااااااااااااااااااااااو. تفاهمنا ؟ الدليل هو أنه نفس الأشخاص يلا تلاقاو شخص آخر مشهور سواء مغربي أو لا غادي يكون نفس رد الفعل ، مع اعتبار واحد الفرق غدي نكولو فالتالي ديال التعليق. المهم يلا بغينا نديرو تقييم لمحمد بن الحسن ميمكنش نتغافلو على واقعة أنه ملك المغرب. حيت صفة ملك المغرب خصها تغلب على صفة محمد بن الحسن لعدة أسباب أولها أنه كيخطط خطوط كبيييييييييييييييييرة فالمصير ديال كتر من 30 مليون شخص. الجانب ديالو كشخص عادي مكيهمناش بزاف حيت ماختاريناهش، لوكان مثلا انتخبنا محمد السادس كون راه فبلاصتو حيت عندو قدرة تدبيرية و حزم و نزاهة و تقوى و حيت فضلناه على مرشحين آخرين عندهوم طبائع و نفوس معجباتش الأغلبية ديالنا .. ok . مزييييييييييياااااااااااااااااان. اللي يخص نتفاهمو عليه هو منين نداكرو على محمد السادس متبقاو توريولنا محمد بن الحسن الضرافات. هذا راه نفاق و ديماغوجية. محمد السادس عندو سلطات واسعة و مكيبغيش اللي يزاحمو فيها و عندو بزاف ديال الفلوس ميمكنش يجمعها بالمانضة ديالو و حتى ديال الحسن الثاني أو محمد الخامس … ميمكنش حيت فلوس بزززززززززززززززاف. محمد السادس يقدر يعلن الحرب بوحدو أو حالة الاستثناء أو الحصار اللي يقدر يموتو فيها ألاف المغاربة بلا ما يناقشو حتى واحد بما في ذلك “ممثلي الشعب”. محمد السادس هو “امير المؤمنين” حسب الدستور و راه يدخل المغاربة فالصراع المذهبي ما بين السنة و الشيعة حيت كيساند السعودية و البحرين و الإمارات ضد إيران و الخوثيين و حزب الله. آسيدي … ياك حنا “وسطيين” “متسامحين” إوا نبقاوا محايدين فهادشي ديال السنة و الشيعة … ممكن تستولي إيران على الجزاير و نلقاوا راسنا حدا حرس الثورة ديال خامنئي و تما جيبو السعودية تسلك. نرجعو لقضية الشهرة و الطيبوبة و الحب. هاد الفيديو على حسب ما فهمت داروه الناس ديال العلاقات العامة التابعة لمحمد السادس باش يعززو الصورة النمطية ديال : the cool king ، (الملك الضرافات) و باش يبينوا لوسائل الاعلام الأروبية خصوصا “أمير المؤمنين” فشكل آخر .. حيت موالفين غي بالصور ديال : خامنئي و ملك السعودية و هداك ديال “الدولة الاسلامية” . و هادشي طبعا فأجواء ديال الرعب و التأثر و العصبية الأمنية بعد ضربات المتمردين فأروبا. محمد السادس كيدير السياسة اللي عزيزة عليه و الللي كيتقنها بزاف: “عزي و فتن” consoler & séduire. المشكلة فالفيديو فالدقيقة 1 و الثانية 47، الحارس الشخصي كيحيد اليد ديال حارس آخر من على جنب مواطن مغترب بواحد الشكل بمعنى : حيد يدك غدي ضيع المنظر ديال التلاحم… و تحياتي لمحمد بن الحسن من وجدة.

اترك رد

لن يتم نشر عنوان بريدك الإلكتروني.